Bundestagu gjerman u ka dhënë të drejtën shqiptarëve që të konvertojnë patentën e tyre pa pasur nevojë të bëjnë provime shtesë. Njohja e lejeve të drejtimit nga shteti gjerman pritet të lehtësojë lëvizjen me automjete të shqiptarëve dhe kosovarëve që jetojnë me rregulla në këtë shtet.
Shtetasit shqiptarë që jetojnë në Gjermani do të mund të drejtojnë automjetet e tyre në këtë shtet edhe me patentat që kanë marrë në vendin tonë. Kësaj pengesë, e cila ka kushtëzuar shqiptarët prej shumë vitesh, i ka dhënë fund Bundestagu, me vendimin e tij për t’i dhënë dritë jeshile njohjes së patentave shqiptare nga autoritetet vendase. Vendimi pritet të hy në fuqi brenda dy javëve.
Të gjithë qytetarët shqiptarët të cilët jetojnë në Gjermani dhe kanë një vendbanim të rregullt do të kenë mundësive të konvertojnë këtë dokument pa provime teorike dhe praktike shtesë, siç ka qenë deri më tani.
Sipas rregullores së re patentat që janë lëshuar në Shqipëri pas datës 24 janar të 2017 do të njihen menjëherë, ndërsa për ato të cilat janë lëshuar para kësaj datë do të kalojnë fillimisht në filtrin e autoriteteve gjermane. Ky proces ndërmjet dy vendeve ka nisur prej 5 vitesh, kur Shqipëria nëpërmjet ambasadës tonë kërkoi nga Gjermania njohjen reciproke të lejeve të drejtimit.
Këtë vendim të Bundestagut e ka përshëndetur edhe Kryeministri Edi Rama nëpërmjet një postimi në rrjetin sociale në Facebook.
Të njëjtin lajm të mirë për njohjen e lejeve të drejtimit e kanë marrë edhe qytetarët e Kosovës të cilët jetojnë në Gjermani.
Burimi: oranews.tv
Discussion about this post